Bwrw Golwg dros Bolisi

Croeso i ail rifyn o'r cylchlythyr polisi rheoleiddio – Bwrw Golwg dros Bolisi. Mae'r cylchlythyr yn un digidol erbyn hyn, ac mae'r ail rifyn ar gael ar ein gwefan.

Atchwanegiadau bwyd

Mae'r Asiantaeth Safonau Bwyd (ASB) yng Nghymru wedi cynhyrchu taflen ar gyfer gweithredwyr busnesau bwyd sy'n gwerthu atchwanegiadau bwyd, i'w hatgoffa o'u rhwymedigaethau cyfreithiol. Mae'n nodi cyfrifoldebau gweithredwr y busnes bwyd, sut y dylid labelu atchwanegiadau bwyd, gwybodaeth am honiadau iechyd a maeth, a'r cynhyrchion peryglus y dylid cadw llygad amdanynt. Mae'r daflen yn bennaf ar gyfer manwerthwyr atchwanegiadau bwyd bach llai traddodiadol megis campfeydd neu salonau harddwch.

Labelu maeth

Ar 13 Rhagfyr 2016, fe ddaeth yn orfodol i gynnwys datganiad maeth ar fwyd sydd wedi'i becynnu ymlaen llaw. Mae'r ASB wedi diweddaru ei thudalennau ar Reoliadau'r Undeb Ewropeaidd ar Wybodaeth am Fwyd Rhif 1169/2011 i gynnwys gwybodaeth am y rheolau newydd hyn. Mae'r ASB yng Nghymru, yr ASB yng Ngogledd Iwerddon a Safonau Bwyd yr Alban hefyd wedi cynhyrchu taflen a dogfen 'Cwestiynau ac Atebion'.

Adnoddau alergenau

Mae'r ASB wedi cynhyrchu ystod o ddeunyddiau am alergenau i gynorthwyo awdurdodau lleol a busnesau bwyd wrth hyrwyddo, cyflwyno a chydymffurfio â Rheoliadau'r Undeb Ewropeaidd ar Wybodaeth am Fwyd. Mae'r adnoddau hyn dal ar ein gwefan, a gellir archebu copïau caled gan Adran Gyhoeddiadau'r ASB yn rhad ac am ddim.

https://www.food.gov.uk/about-us/publications – cliciwch ar 'Cymraeg'

Ymgynghori â chi

A fyddech chi'n hoffi dweud eich dweud o ran y ffordd yr ydym ni'n llunio ein polisïau? Dyma eich cyfle chi! Rydym ni eisiau i chi roi gwybod sut y gallai ein cynigion deddfwriaethol effeithio arnoch chi a'ch gwaith. Rydym ni hefyd yn cyhoeddi'r holl ymatebion a ddaw i law. Mae rhagor o wybodaeth am ymgynghoriadau ar gael isod. Nid oes ymgynghoriad yn mynd rhagddo ar hyn o bryd.

https://www.food.gov.uk/wales/about-fsa-wales/cymru/ymgynghoriadau

https://www.food.gov.uk/wales/cymru/newyddiondatgan/newyddion/llywio-polisi

Digwyddiad yr ASB ar ddyfodol pysgod cregyn

Ar 23 Tachwedd 2016, fel rhan o'i hymrwymiad parhaus i ymgysylltu â rhanddeiliaid yn effeithiol, cynhaliodd yr ASB yng Nghymru ddigwyddiad i randdeiliaid ar bysgod cregyn ym Mhrifysgol Bangor.

Y ddeddfwriaeth

Mae manylion y deddfwriaeth (Offerynnau Statudol) a wnaed i Gymru yma. Maent wedi'u trefnu yn ôl y flwyddyn y cawsant eu cyhoeddi.

Cylchlythyr 'Rheoleiddio ein Dyfodol'

Mae cylchlythyr Rheoleiddio ei Dyfodol yn rhoi gwybod i bawb sydd â diddordeb yn y maes am y gwaith y mae'r ASB yn ei wneud ar ddyfodol rheoleiddio bwyd. Mae hwn yn gyhoeddiad rheolaidd, sy'n nodi'r diweddaraf ar gynlluniau'r ASB, pwy rydym wedi bod yn siarad â nhw, safbwyntiau'r rheiny sydd â diddordeb, a beth fydd yn digwydd nesaf. Mae'r rhifyn diweddaraf newydd gael ei gyhoeddi ar ein gwefan.